Zəlzələdən qoruyan divar kağızları

Karlsrue Texnologiya İnstitutunun (KIT) alimləri Bayer şirkətinin mütəxəssisləri ilə birlikdə zəlzələyə davamlı divar kağızları hazırlayıblar. Bu divar kağızı da adi kağızlar kimi bütün binada otaqların divarlarının daxili səthinə çəkilir. İki illik tədqiqatlardan və sınaqlardan sonra, zəlzələ vaxtı ofis binalarının və mənzillərin təhlükəsiz saxlanmasına kömək edən və artıq patentləşdirilmiş məhsul tezliklə satışa buraxılacaq. Sərt, eləcə də elastik divar kağızları binanın dağılmasına və otaqların içindəkilərə ziyan dəyməsinə imkan vermir.