Çinin Sıçuan vilayətində yaşayan qadın əri ilə dalaşandan sonra evdə "qara gün" üçün yığılmış pulları cırıb, tikələyib. 50 min yuan (təqribən 5400 dollar) bu minvalla tikə-tikə doğranmış kağız parçalarına çevrilib.Çılğın arvadının tikələdiyi əskinas qalıqlarını bir yerə toplayaraq banka aparan ər yardım istəyib. O, bank əməkdaşlarına yalvararaq pul tikələrini bir yerə yığaraq bərpa olunmasını təvəqqe edib. Çin Bankının Sıçuan bölməsinin əməkdaşları da saatlarla çalışıblar, amma bir nəticə hasil olmayıb. Onlar 6 saatlıq zəhmətdən sonra yalnız bir əskinası bərpa edə biliblər.