“Explay” şirkəti böyük tutumlu akkumulyatora malik mobil telefon təqdim edib. “Explay Power” modeli gözləmə rejimində 45 gün müddətində enerji tələb etmədən işləyə bilər.Telefonun funksiyaları arasında mediapleyerin mövcudluğunu da qeyd etmək lazımdır və o, audio və videofaylların bütün məşhur formatlarını oxudur. Telefonun arxa qapağında 1 meqapikselli kamera var. Standart 3,5 ölçülü konnektor sayəsində mobil telefona istənilən qulaqcıqları qoşmaq mümkündür. Telefonun çəkisi 105 qram təşkil edir. Telefon 240 x 320 nöqtə təsvir ölçülü 2,6 düymlü rəngli ekrana malikdir. Eyni zamanda iki “SIM” kartdan istifadə etmək mümkündür. Aparat satışa 2012-ci ilin mayında çıxarılacaq.