Alimlər unikal şüşə yaratdılar

Amerikalı alimlər unikal şüşə yaradıblar. Massaçusets texnologiya universitetinin mütəxəssislərinin hazırladığı bu yeni şüşəyə ləkə düşmür. Şüşə səthə nazik qatla xüsusi materiallar çəkməklə və aşınma üsulu ilə hazırlanır. Yekun nəticədə şüşənin üzərində konus formasında kiçik ölçülü çıxıntılar yaranır. Bu çıxıntılar suyu şüşəyə hopmağa qoymur və bununla da ləkələrdən qaçmağa imkan verir. Alimlər gələcəkdə bu texnologiya əsasında hazırlanan şüşədən smartfonlar, planşet, televizor, avtomobil və ofis pəncərələrində istifadə edilə biləcəyini düşünürlər.