Dünyanın ən bahalı dondurması

Nyu-York şəhərindəki "Serendipity 3's Golden Opulence Sundae" restoranı müştərilərinə dünyanın ən bahalı dondurmasını təklif edir. Ginnesin Rekordlar Kitabına "ən bahalı desert" kimi düşmüş dondurmanın dəyəri 1000 dollardır. "Serendipity 3's Golden Opulence Sundae" dondurmasını istəyən müştəri onu iki gün əvvəl sifariş verməlidir. Dondurmanın hazırlanmasında Taiti və Madaqaskar vanilləri, Venesuelanın nadir "Çuao" şokoladından istifadə olunur. Baş aşpaz Co Kalderonun dediyinə görə, dondurmadakı badam və püstələr Parisdən gətirilir, aylarla süddə saxlanandan sonra vanil kremlə örtülür. Sonra isə dondurmaya marakuya, portağal və ən bahalı konyak damlaları, habelə şokoladlı trüfellər və albalılar əlavə olunur.
Sonra dondurma 300 dollarlıq "Baccarat Harcourt" büllur qabına qoyulur.