Yerə zərbə vurduqdan sonra ildırımın izsiz yoxa çıxmadığını və daşa çevrildiyini çox az adam bilir. İldırım qumlu səthə düşdükdə, qum yüksək temperaturun (qumun ərimə temperaturu 1700 °С-dir) təsiri altında əriyir, sonra soyuyur, sonra isə içi boş, şüşə turbalara – fulquritlərə çevrilir. Qum bu cür qeyri adi formanı qum dənəcikləri arasında həmişə su və hava olmasının sayəsində alır, ildırım düşməsi zamanı yüksək temperatur səbəbindən havanın təzyiqinin ani artımı baş verir, bu hava qumun tərkibində silindrik səth yaradır. Çox güclü ildırımın Yerə - qrunt təbəqəsi ilə örtülmüş səthə düşməsi zamanı kiçik dairələrlə örtülmüş hamar daxili səthə malik olan içi boş, şaxəli, şüşə turbalar yaranır. Bəzən ayrıca damlalar formalaşır.