Öldürdüyü insanların sayına görə, Ginnesin Rekordlar Kitabına düşən qadın

Elizabet Batori 7 avqust 1560-cı ildə Macarıstanda doğulub. O öldürdüyü insanların sayına görə, Ginnesin Rekordlar Kitabına da düşüb. "Qanlı qrafinya" kimi tanınıb və bu şıltaq qadın onun qurbanı olmuş gənc qadınların qanlarında çimirmiş. O fikirləşirmiş ki, qanın tətbiqi onun gənciliyini qoruya və üzün rəngini yaxşılaşdıra bilər. Qrafinya bədbəxt insanları ölüm həddinə çatdıraraq öz üstünlüyündən sui-istifadə edirmiş. Qana olan sevgisi onu real yaşayan vampirlər sırasına daxil edib. Həyat yoldaşı Ferens Nadaşdi də onun çoxsaylı cinayətlərində şərik imiş. 29 dekabr 1610-cu ildə Turzo silahlılarla Elizabetin qəsrinə daxil olaraq onu cinayət başında yaxalayırlar. Onu bir müddət elə öz qəsrindəcə həbs edirlər. Onun təhlükəsizliyi məhkəməyə qədər təmin olunur. Amma məhkəmə heç vaxt baş tutmur. Çünki cinayət Batori ailəsinin adı üçün çox ağır olub. Elizabet tanınmış nəslin nümayəndəsi idi. O, ömrünün qalan hissəsini qəsrinin qaranlıq zirzəmisində qulluqçuları və yanına gətirilən qızı ilə başa vurur. 21 avqust 1614-cü ildə ölür və ölərkən bu sözləri söyləyir: "Mən yenidən qayıdacağam!"