1278-ci ildə abbat Yinjrix Yerusalimdən – diplomatik missiyadan qayıdarkən monastr məzarlığı üçün özü ilə Qolqofdan bir ovuc müqəddəs torpaq gətirmişdi. Məzarlıq tezliklə məşhurlaşdı, çünki hamı müqəddəs torpaqda basdırılmaq istəyirdi. 1318-ci ildə taun epidemiyası zamanı “müştərilər”in sayında kəskin artım baş verdi, həmin il 30000-dən çox adam burada basdırıldı. Elə bir vaxt gəldi ki, məzarlıqda artmaqdan olan sümük yığını yeni qəbirlərin qazılmasına imkan vermədi və rəhbərlik yeni dəfn mərasimləri zamanı köhnə sümükləri kilsəyə gətirib-yığmağa göstəriş verdi. Bununla da kilsədə sümükdən nəhəng bir piramida formalaşdı. 1784-cü ildə imperatorun əmri ilə monastr bağlandı, onun torpaqlarını isə Şvarsenberqlər aldı. Yeni sahiblərə sümük yığını heç də xoş gəlmədi və onlar Frantişek Rintdən bu sümüklərdən qotik bir dekorasiya düzəltməyi xahiş etdilər. Rint xlor məhlulunun köməyi ilə sümükləri təmizlədi və insan bədəninin bütün sümüklərindən istifadə etməklə ərazinin yeni sahibinin gerbini, nəhəng çılçıraq, vazalar və çoxlu kiçik əşyalar düzəltdi. Girişdən sağda olan divarda müəllif öz avtoqrafını qoymuşdur, əlbbətə ki, o da insan sümüklərindən hazırlanıb. Müxtəlif məlumatlara görə kilsədə 40000-dən 50000-ə qədər adamın sümüklərindən istifadə olunub.