İtlər üçün telekanal açılıb

"Dog TV" dünyada sırf köpəklər üçün nəzərdə tutulmuş ilk telekanaldır. İsrailin "Jasmine Television" şirkətinin yaratdığı telekanal it sahiblərinin evdə olmadıqları vaxt köpəkləri sakitləşdirmək və onların başını qatmaq məqsədi güdür. Verilişləri elmi prinsiplər əsasında hazırlanan telekanal 24 saat efirdədir. Meditasiya tipli musiqi və görüntülər köpəkləri sakitləşdirmək məqsədi güdür. İlk əvvəl Birləşmiş Ştatların San-Dieqo və Kaliforniya ştatlarında yayıma başlamış "Dog TV"nin rəhbərliyi indi dünya miqyasına çıxmaq niyyətindədir. Şirkət telekanala abunə olmayanlara planşet kompüterlər və smartfonlar vasitəsilə qoşulmağı təklif edir. Aylıq abunə haqqı 9,99 dollardır.