Əcaib "ana sevgisi"

Rusiyanın Saratov şəhərində yaşayan 43 yaşlı kişi faktiki olaraq bütün həyatını kommunal mənzilin 10 kvadrat metrlik otağında keçirib və yalnız anasının ölümündən sonra küçəyə çıxa bilib. Dima Kuvaldin 7 yaşına qədər adi uşaq təki böyüyürdü: uşaq bağçasına gedir, həyətdə oynayır, oxumaq və yazmaq öyrənirdi. Lakin atası vəfat edəndən sonra həyatı dəyişdi. Dəfndən qayıdan anası qonşu uşaqların oğlunu döymələrini görəndə qərara aldı ki, atasız uşağın təhqir olunmasına yol verməyəcək. Və o, oğlunun ətraf aləmlə bütün əlaqələrini kəsdi. Beləcə, Dmitri illər uzunu otağa məhkum olundu. 33 illik ev dustaqlığından sonra Dmitri bir qədər kuryer işlədi, amma sonra əlillik təqaüdünə nail olaraq yenidən guşənişinliyə başladı. Onun dostları yalnız qoca qarılardır.