Odlu şəlalə

Yosemiti milli parkı sekvoyya ağaclarının unikal nümunələrinə malik çox maraqlı bir yerdir. Parkın ərazisində kristal təmizliyinə malik göllər, ecazkar vadilər və böyük şəlalələr var. Lakin bu parkın ən maraqlı və cəlbedici yeri “At quyruğu” adlanan odlu şəlalədir. Hündürlüyü 650 metr olan bu şəlalə il ərzində digərlərindən heç nə ilə fərqlənmir. Lakin fevral ayında hündürlükdən su əvəzinə günəşin qızdırdığı alov tökülür. Adama elə gəlir ki, hündürlükdən doğrudan da lava axını gəlir. Məsələ ondadır ki, ilin həmin vaxtında günəş elə çıxır ki, şəlalənin suları qızılı-od rəngi alır. Aşağı tökülən od rəngli sudan başqa sıldırımın aşağı hissəsində ilin bütün vaxtlarında göy qurşağı olur. Yosemiti milli parkında yerləşən odlu şəlalə - insanları heyran edən, təəcübləndirən və eyni zamanda vahiməyə salan bir mənzərədir.