Qırıq qəlblər oteli...

Hollaniyadakı şirkətlərdən biri boşanmaq istəyən ailələrə beş ulduzlu oteldə sakitlik və rahatlıq içində "boşanma" təklif edir. Haaqa şəhərindəki "The Carlton Ambassador" oteli artıq "Boşananların oteli" kimi tanınır. Holland iş adamı Cim Halfen boşanmağa qərar verən və ayrılma prosesində çətinlik çəkən ər-arvadlara burada "sakit məkan" təklif edir. Boşanmağa qərar vermiş ərlə arvad oteldə yanaşı nömrələrə yerləşdirilir, sonra isə onlarla psixoloq danışmağa başlayır. Bir qədər sonra əmlakın bölüşdürülməsi və uşaqların kimin yanında qalması ilə bağlı problemləri həll etmək üçün həmin şəxslərin yanına vəkil gəlir. "Həftələr, hətta aylarla davam edən proseduru bu minvalla 2 günə başa vururuq", - Halfen deyib.