zamanla?

Yayın istisində, qışın qarında
Kişi var yaşatmaq intizarında
Neft-qaz ölkəsində qul bazarında
Eşşək tək işləyir çulla, palanla
De, necə barışım mən bu zamanla?

Avropa dəbinə olandan kölə
Ar zibil şəklində atılıb çölə
Adam xəcalətdən az qalır ölə
Darbalaq şalvarla, yarıq tumanla
De, necə barışım mən bu zamanla?

Mən vəhşi çimərlik gördüm bu yayda
Diqqət! Fahişəxana tikilir Ayda
Ata Moskvada, ana Dubayda
Oğul parapetdə, qız... özün anla
De, necə barışım mən bu zamanla?

Şairlər yazmasın sevgi şerini
Məcnunlar bulvarda gəzir Leylini
Erkəklər erkəyə salır meylini
Nigah bağlıyırsa zənan zənanla
De, necə barışım mən bu zamanla?

Kişi var ev satıb qız kirələyir
Firmenni moteldə can şirələyir
Arvad uşağısa baş girələyir
Bir parça çörəklə, bir baş soğanla
De, necə barışım mən bu zamanla?

Arvad var ərinin sözünə baxmır
Ər var arvadının üzünə baxmır
Bu dünya güzgüdə özünə baxmır
Hanı Nuh Peyğəmbər gəlsin tufanla
De, necə barışım mən bu zamanla?

Məmurlar Firon tək əyləşib taxtda
Torpaq qanununun icrası saxta
Kompüter texnika olan bu vaxtda
Kəndli yer şumlayır xışla, kotanla
De, necə barışım mən bu zamanla?

Cinayət törədən hakim bizdədir
Xəstəsin öldürən həkim bizdədir
Özünü kəşf etməyən alim bizdədir
Bu əsəbi başla, bu dərdli canla
De, necə barışım mən bu zamanla?

Gerayin saqqızdı yoxsa marojni
Görən hara baxır bizim tamojni
Xalqın cavanları ex kak palojni
Yeni əsrə gedir əldə bayanla
De, necə barışım mən bu zamanla?

Cəngi bata-bata batır zatımız
Yallı yox caz gedir camaatımız
Məhv olmaq üzrədir muğamatımız
Əgər küsmüşüksə tarla, kamanla
De, necə barışım mən bu zamanla?

Güldürüb özünə şarlatanları
Birləşmir dünyanın Müsəlmanları
Mənə fətva versin din ürfanları
İki təriqətlə, iki azanla
De, necə barışım mən bu zamanla?

Azmıdır bu xalqın din işğalçısı
Dələduz mollası, gopçu falçısı
Hacı pivəsinin istehsalçısı
Saziş bağlayırsa dini dükanla
De, necə barışım mən bu zamanla?

Dinlədikcə