Bu arada baş vermiş olayla bağlı ''canim.az''a maraqlı məlumatlar daxil olub. Bildirilir ki, Hüseynbala Mirələmovun qardaşı oğlunun qətlə yetirdiyi Ramal Bayramov və yaraladığı Səməd Mənsimov prezidentin şəxsi mühafizə xidmətinin rəhbəri Bəylər Əyyubovun qardaşı oğlu Robert Əyyubova yaxın şəxslərdir. Onlar eyni zamanda kriminal aləmdə nüfuz sahibidirlər. Rəşad Mirələmov özü də cinayət aləmində tanınan şəxsdir. Bunu onun əmisi də etiraf etmişdi. Bəzi məlumatlara görə, Rəşad Mirələmov krminal avtoritet “Rövşən Lənkəranski”nin komandasının üzvüdür. Məlumatlarda həmçinin bildirilir ki, Robert Əyyubov bu hadisədən bərk qəzəblənib. O, Ramal Bayramovun yas mərasimində deyib ki, olayı törədən şəxs mütləq cəzasına çatacaq. Lakin məsələ burasındadır ki, əgər Rəşad Mirələmov doğrudan da “Rövşən Lənkəranski”yə yaxın şəxsdirsə, bu halda onunla haqq-hesab çəkmək o qədər də asan olmayacaq.