Dünən bir yaş da böyüdün,
Doğmaların sevindilər .
Mənsə sevinə bilmədim,
Yalandan güldüm birtəhər.

İstəmirəm gözləyəsən
Məndən təbrik kəlməsini
Axı necə təbrik edim
Mən ölümün gəlməsini.

Bağışla ki, kədərliyəm,
Bu təbrikə gəlmir dilim.
Ömründən sürətlə keçən
illərə necə sevinim?!

Bu təbriklərə aldanma
Kutlamalar yalan sözdür,
Keçən illər bizim deyil,
Gələn illər ömrümüzdür.

Arxada qoyduğun yaşa
Sevinməyə yoxdur gərək.
Keçən illərinə deyil,
Qalanlara min mübarək!