At və eşşəklə Hindistana gedirlər

Fransa vətəndaşları, 33 yaşlı David Verşo və onun 26 yaşlı sevgilisi Moren Lefevr at və eşşəyə minib Hindistana gedirlər. Davidlə Moren yolboyu çadırda yatacaq, yemək pulu qazanmaq üçün işləyəcəklər. 2010-cu ilin sentyabrında Rosedal adlı at və Korteks adlı eşşəklə yola çıxan sevgililər yanlarında Piti adlı iti də aparırlar. Tatuaj ustası David Verşo və fotoqraf Moren Lefer İtaliya, Rumıniya, Xorvatiya, Serbiya, Bolqarıstan, Yunanıstandan keçiblər və təxminən 2 ay əvvəl Türkiyəyə daxil olublar. İndiyədək 3500 kilometr yol qət etdiklərini deyən Moren Lefevr söyləyib: "Çox sadə həyatımız var. Müasir texnologiyalara qarşıyıq. Səyahət etmək çox gözəldir. Getdiyimiz yerdə işləyir, pul qazanıb səyahətə davam edirik".