Beyni zədələndi, fitri istedad oldu

40 yaşlı amerikalı Derek Amato hovuza tullanarkən başı daşa dəyəndən sonra çox ağır kəllə-beyin travması almışdı. O, sağalandan sonra unikal musiqi qabiliyyətinə malik olduğunu anlayıb.Reabilitasiyanın artıq ilk aylarında Amato müxtəlif musiqi alətlərində yaxşı ifanı bacardığını hiss edib. Əvvəllər musiqidən çox uzaq olduğunu deyən Amato indi ən məşhur pianoçuların ifasından geri qalmayan ustalıq nümayiş etdirir.Həkimlərin dediklərinə görə, 40 yaşlı vunderkindin fitri istedadı onun ağır travmadan sonra savant sinromu və ya savantizmə mübtəla olmasıdır. Savantizm nəticəsində insan beynindəki "dahilik adacığı" deyilən yer işə düşür, musiqi və incəsənətlə bağlı yüksək qabiliyyət ortaya çıxır. Hazırda dünyada savantizm xəstəsi olan vur-tut 30 nəfər var.