43 qadının yoxa çıxdığı "Göz yaşları yolu"

Kanadada ucqar yollardan birinin adı sirr, qorxu və xofla çəkilir. Çünki son 30 ildə burada 43 qadın yoxa çıxıb. Çoxları hesab edirlər ki, Kanadanın Britaniya Kolumbiyası vilayətindəki Prins-Corc və Prins-Rupert şəhərləri arasındakı yolda yoxa çıxan qadınlar manyaka qurban gediblər. Həmin manyak gənc qadınları qətlə yetirib. 43 qadının yoxa çıxması polis tərəfindən sənədləşdirilib. Qurbanların real sayı isə daha çox ola bilər. 16 saylı yol "Göz yaşları şossesi" adlandırılır. Son qurban 2011-ci ilin mayın 28-də yoxa çıxmış Medison Skottdur. 20 yaşlı qadın hələ də tapılmayıb. Medisonun valideynləri onunla bağlı informasiya verənə 100 min dollar təklif edirlər.