Mavi rəngli xərçəng

Kanadanın Nova Skotia bölgəsində 33 ildir xərçəng ovu ilə məşğul olan Bobbi Stoddard nadir xərçənglərdən birini ovlayıb. Belə ki, Stoddard ovladığı xərçəng mavi rəngdədidir. Bu rəngli xərçənglərə iki milyondan bir dəfə rast gəlmək olur. Stoddard ovladığı nadir heyvanı akvariumda saxlayır. Son 33 ildə 3 mindən çox xərçəng ovladığını qeyd edən Stoddard belə bir xərçəngə ilk dəfə rast gəldiyini bildirib: “Hesab edirəm ki, mavi xərçəngi yenidən aid olduğu mavi okeana buraxmaq daha yaxşı olardı. ” Qeyd edək ki, ABŞ universitetlərinin araşdırmalarına görə xərçənglərdə bu cür rənglərin əmələ gəlməsi onların genetik qüsurlarından qaynaqlanır.