Adamyeyən bakteriya

ABŞ-ın Corciya ştatında artıq üç nəfər əti "yeyərək" çürüdən və insanı öldürən bakteriyaya yoluxub. Kartersvill şəhərinin sakini, 32 yaşlı Robert Voun qorxunc xəstəliyə necə yoluxduğunu bilmir.
"Qarnımın aşağısı ağrıyır. Oturanda, uzananda, gəzəndə ağrıdan az qalıram huşumu itirim", - Voun deyib. Həkimlərin dediyinə görə, Voun ət yeyən bakteriyaya yoluxub. Bu ilin mayın 1-də Corciya ştatının Tallapussi şəhərində həmin bakteriyaya yoluxmuş Eymi Kouplend cərrahiyyə əməliyyatına məruz qalandan və ayağından 72 sm2 dəri kəsilib götürüləndən, axırda isə amputasiyadan sonra ölümdən qurtulub. Yoluxucu xəstəliklər üzrə mütəxəssis, doktor Robin Dretlerin dediyinə görə, "adamyeyən" adlandırılan bakteriyalar dərinin mühafizə təbəqəsini dələrək keçir və letal sonluqla bitən xəstəlik yaradır.Bu bakteriya təbii deyil və süni yolla yaradılıb. BP neft korporasiyasının Meksika Körfəzindəki neft platformasının partlamasından və okean sularına neft yayılmasından sonra yaradılmış "Sintiya" adlı bu bakteriya nefti "yeməli" idi. Lakin 2011-ci ildən bəri mutasiya etmiş həmin bakteriya körfəzdəki bütün canlıları məhv etməyə başlamaqla yanaşı, insanları da öldürür.