Narkotik maddələrdən istifadə etmiş bir qadın özü üzərində nəzarəti itirəndən sonra yüksək gərginlikli elektrikötürmə xəttinə dırmaşıb. 15 metr yüksəkdə, ölümün bir addımlığında olan "məsti-xumar" qadını polis və xilasedicilər aşağı endiriblər. Çexiyanın Zlin şəhərində elektrik dirəyinə dırmaşmış 21 yaşlı qadının dediyinə görə, dirəyi körpü sanıb. "Elə bildim körpüdür. Çıxdım ki, çayın o biri sahilinə keçim", - qadın söyləyib. Polis zabiti Yan Maşalikova isə bildirib ki, qadın "dirəyin çıxıntısından tutub bağırırdı ki, Morava çayını keçmək istəyir".2 saat dirəkdə qalaraq aşağı düşmək istəməyən qadın indi xəstəxanadadır.