Ən əcaib toy: 107 yaşlı bəy dağıldı, gəlin yenə ərə getdi

Bu toy və nikah mərasimi dünyanın ən maraqlı, eyni zamandə ən əcaib mərasimlərindən biri sayıla bilər. ABŞ-ın Sietl şəhərində yaşayan və Dyuk Universitetində təhsil alan Bebiloniya Ayvaz dünən "ərə gedib". Onun toyu "qara gəlib". Çünki nikah mərasimindən və keşişin "Sevgilinə ərə getməyə, ömrünün sonunadək onunla yaşamağa hazırsan?" sualından sonra bəy ömrünü tapşırıb Bebiloniyaya. Əslində, təəccüblü heç nə yoxdu, çünki "təzə bəy"in 107 yaşı vardı. Toyun əcaibliyi isə bu idi ki, Babiloniya Ayvazın "ər"i insan yox, köhnə anbardı. Sietldə 107 il əvvəl tikilmiş köhnə anbar. Toy günü də ekskavator anbarı uçurdu. Amma ekskavatorun anbarı dağıtmasından dərhal sonra Babiloniya özünə yeni "ər" tapıb: bu dəfə o, şəhər kənarındakı "Yesler Terrace"dakı binaya "ərə gedib".
Bundan sonra gəlinlik paltarında olan Babiloniya əlindəki kərpici yelləyərək meriyanın binasına gedib və orada qışqırmağa başlayıb: "Mənim sevgilimi, 107 yaşlı ərimi siz öldürdünüz! Qatillər! Toy günü məni gözüyaşlı qoydunuz, vəhşilər!" 107 yaşlı "ahıl sevgilisi" dağıdılan və bundan sonra elə toy günü yeni binaya "ərə gedən" Babiloniya Ayvaz Facebook-dakı səhifəsində yazıb: "Mən indi bəxtəvərəm..."