Soxulcanlar şəhərə hücum çəkib

Ukraynanın Şostka şəhərindəki Lazarevka mikrorayonunun sakinləri qorxu içindədirlər, çünki hər yeri minlərlə soxulcan "işğal" edib. Yerli sakin Qalina Qalanjinanın dediyinə görə, soxulcanlar hər yerdədir: "Onlar evlərə daraşıblar, hətta yorğan-döşəyin içinə də giriblər. Heç vaxt belə hadisə olmamışdı. Çox qorxuruq! Təsəvvür edin ki, yatırsan, sənin də yanında soxulcanlar qıvrılır". Yekaterina Kovalyovanın dediyinə görə, soxulcanları süpürür, sonra da üstlərinə benzin töküb yandırır. Amma heç bir xeyri yoxdur: gecələr yenə minlərlə soxulcan küçələrə çıxaraq evlərə daraşır.