500 min nəfərlik ölü şəhər: lüks mənzillər, boş küçələr

Bu şəhər 500 min nəfərin rahat, gözəl və normal yaşamı üçün hesablanıb. 750 çoxmərtəbəli yaşayış binasının tikildiyi şəhəri Çin şirkətləri gerçəkləşdiriblər. Anqolanın paytaxtı Luandanın yanında tikilmiş "Nova Cidade de Kilamba" şəhəri Çinin bu ölkədə reallaşdırdığı və 3 il üçün nəzərdə tutulmuş 3 milyard dollarlıq layihəsinin bir hissəsidir. Şəhərdəki lüks rahatlıqlı, müasir mənzillərin orta qiyməti 75 min dollardır. Amma şəhər dünyanın ən yoxsul ölkələrindən birində, əhalisinin əksəriyyətinin gündəlik gəliri 1-2 dollar olduğu dövlətdə tikildiyindən mənzillərin biri də satın alınmayıb və orada kimsə yaşamır. "Ölü şəhər"də gözə dəyənlər isə yalnız çinli fəhlələr və inşaat mütəxəssisləridir.