DÜNYANIN SƏKKİZİNCİ MÖCÜZƏSİ

İspanlar dünyanın səkkizinci möcuzəsini yaratdıqlarını acıqlayıblar. Bu Seviliyada olan dünyanın ən böyük taxta konstruksiyalı ikonik tikintisidir. Hələ dizayn mərhələsində olan, böyük həyəcan doğuran fantastik tikilinin inşası mart ayında tamamlanıb. Bununla da, "Metropol Parasol" İspaniyanın əfsunlayıcı memarlığına bir yenisini də əlavə etmiş olub. Bu tikili, "J. Mayer Architects" tərəfindən hazırlanıb. Damı arı pətəyinə bənzəyən şanlardan meydana gəlir və altında gediş yolları, istirahət etmək üçün sahələr, bazar, kafe və restoranlar vardır. Bu ultra müasir quruluşda olan tikiliyə pastel tonların istifadə edilməsi Seviliya şəhəri ilə uyğunlaşmasını təmin edir. Əvvəlcə bura avtopark sahəsi olaraq düşünülüb, lakin qazıntı işlərində ortaya çıxan arxeoloji tapıntılar buranın açıq hava muzeyi və şəhər mərkəzinə çevrilməsini təmin edib.