Ilan uşağı yemək istədi

2 metr uzunluğunda piton balaca uşağın yatdığı otağa girib və yatan uşağın ayağından tutaraq onu özünə tərəf çəkərək sıxıb öldürmək, udmaq istəyib. Amma ilanın istəyi baş tutmayıb. Hadisə ABŞ-ın İllinoys ştatındakı Matun şəhərində baş verib. Bu həftə 1 yaşı tamam olmuş Uilyams Uinansın ayağındakı ilan dişlərinin yeri artıq müalicə olunub. Balacanın atası Devin Uinansın dediyinə görə, bazar ertəsi, axşam saat 11 radələrində oğlunun ağlamağını eşidib və uşağın yataq otağına gedib. Orada isə Devin şoka düşüb: "Oğlumun çarpayısından ilan sallanırdı. O, fısıldayır, oğlumu tutub boğmağa çalışırdı. Oğlumun ayağını ağzına almış piton onu yeməyə hazırlaşırdı". İlanı tutub dartan və çarpayıdan çıxaran ata pitonu "Animal Shelter Coles County" heyvan sığınacağına aparıb.Polisdən verilən məlumata görə, piton qonşuluqda yaşayan 23 yaşlı Şelbi Qayettə məxsusdur.