İtinə 200 min dollarlıq toy edir

Amerikada heyvan hüquqlarının aktiv müdafiəçisi Vendi Daymond sevimli iti Koton de Tulear üçün toya hazırlaşır. Daymondun itinin toyu Ginnesin rekordlar kitabına ən bahalı heyvan toyu kimi düşəcək. 12 iyulda həyata keçəcək toy Vendiyə düz iki yüz min dollara başa gələcək. Toyun əsas xərclərinə it üçün bahalı gəlinlik, orkestr və istənilən dadda delikateslər daxildir. Amma yeganə problem ondan ibarətdir ki, Daymond hələ sevimli iti üçün bəy tapmayıb. Öz itinə uyğun bəy axtarmaq üçün Daymond facebook şəbəkəsində elan verib. Toya dəvət edilmiş 300 qonaq hər biri ya 250 dollar pul salmalı, ya da 10 min dollarlıq on nəfərlik stollar sifariş etməlidir. Daymond bütün gəlirin xeyriyyə orqanlarına gedəcəyini bildirib.