Bir qışqırdı, düz 443 toyuq öldü

Çində 4 yaşındakı uşağın qışqırması ilə yüzlərlə toyuq ölüncə, məhkəmə uşağın atasını 230 dollar təzminata məhkum etdi. Bu maraqlı hadisə ölkənin şərqindəki Jiangsu əyalətinin Nanjing şəhərində meydana gəldi. Qazlı su satan atasıyla birlikdə kəndə gedən 4 yaşındakı bir oğlan, itin hürməsindən qorxub, hinin olduğu pəncərədə uzun müddət qışqıraraq ağladı. Ağlayınca da düz 443 toyuq bir anda öldü. Toyuqların sahibi uşaqdan şikayətçi oldu və hadisə məhkəməyə getdi. Məhkəmə, uşağın gözlənilməz anormal qışqırmasının hindəki 443 toyuğun qorxudan bir-birini tapdalayaraq ölməsinə səbəb olduğu qərarını verdi. Qərara görə uşağın atası, toyuqların sahibinə 230 dollar (1,800 yuan) təzminat ödəməyə məhkum oldu.