Bütün türk və müsəlman dünyasının ilk kosmonavtı

Bu 22 mart 1951-ci ildə Bakı şəhərində anadan olmuş Musa Manarovdur. Musa 1974-cü ildə Moskva Aviasiya İnstitutunun məzunu olmuşdur. 1 dekabr 1978-ci ildə kosmonavatlar dəstəsinə qəbul edilmişdir. SSRİ Hava Qüvvələrində polkovnik rütbəsinədək çatmışdır. 21 dekabr 1987-ci il – 21 dekabr 1988-ci il tarixləri arasında uçuş mühəndisi olaraq “Soyuz TM-4″ gəmisində kosmosda olmuşdur (365 gün,22 saat, 38 dəqiqə). Daha sonra 2 dekabr 1990- 26 may 1991-cu il tarixləri arasında yenə uçuş mühəndisi olaraq “Soyuz TM-11″ gəmisində kosmosda olmuşdur (175 gün, 1 saat, 50 dəqiqə). Cəmi 541 gün 22 dəqiqə vaxt keçirərək hal-hazırda kosmosda ən çox vaxt keçirən 8-ci insandır. Musa kosmosda olduğu vaxt ərzində yerin müşahidəsi və kosmik istehsalat sahəsində çalışmışdır. Hal-hazırda Azərbaycan Milli Aerokosmik Agentliyində (AMAKA) (Azerbaijan National Aerospace Agency (A NASA)) çalışır. Musa Manarov uçuş mühəndisliyi, monitorinq, torpaq ehtiyatlarının xəritələşdirilməsi və baş verəcək fəlakətlərin proqnozlaşdırılması sahəsində xalqmıza xidmət edir.