Çimmək qadağandır!

Birləşmiş Ərəb Əmirliklərinin (BƏƏ) Əbu Dabi əmirliyində tənha və ya tək kişilərin çimərliklərə yollanaraq çimmələri yasaqlandı. Əbu Dabi əmirliyinin hakimiyyət dairələrinin dünən qəbul etdikləri yeni qərara görə, yanında xanımı və ya ailəsi olmayan kişilər bundan sonra əmirlikdəki çimərliklərə buraxılmayacaqlar. Yasağın səbəbi isə ərli xanımların və qızların çoxsaylı şikayətləridir. Onların dediklərinə görə, tək kişilər çimərlikdə olanda onları narahat edir, söz atır, hətta şəkillərini çəkirlər. Bundan başqa, yanında xanımı və ya uşağı olmayan kişilər Əbu Dabinin ən məşhur "turist cənnəti" sayılan Korniş çimərliyinə də buraxılmayacaqlar.