Əsl Mona Liza

İtalyan arxeoloqlar və alimlərin dediklərinə görə, onlar dahi rəssam Leonardo da Vinçinin çəkdiyi "Mona Liza" portretindəki qadının kimliyini müəyyənləşdiriblər. Həmin qadının İntibah dövrünün zadəganı Liza Cerardini olduğu vurğulanır. "Əldə etdiyimiz sənədlər, dəlillər, habelə qazıntı nəticəsində aşkarlanmış qadın skeleti göstərir ki, Liza Cerardini 1502-1503-cü illərdə "Mona Liza" üçün əsas model olub", - italyan alim Silvano Vinçeti deyib. Florensiya vilayətindəki Müqəddəs Ursula monastırının qalıqlarının altında tapılmış məzarda olan qadın skeletinin məhz Mona Liza olduğu deyilir. Arxeoloqlar indi kəllə sümuk qalıqlarıın toplayaraq Mona Lizanın gerçək simasını bərpa etməyə çalışırlar. Liza Cerardini florensiyalı zəngin ipək taciri Françesko del Cokondonun xanımı idi.