Beşikdə Oruc

Güney Azərbaycanın Geylan şəhərində anadan olmuş Qədiriyyə təriqətinin qurucusu, seyid Əbdülqədir Geylaninin doğulmamışdan əvvəl böyük bir şəxs olacağına dair əlamətlər, işarələr görülmüşdü. Doğulduqdan sonra da bir çox halları ilə diqqətləri çəkmişdi. Əbdülqədir heç bir uşağa bənzəmirdi. Ramazan günləri anasından süd əmmir, bölgə xalqı ramazanın giriş çıxışını onun bu vəziyyətinə görə təyin edirdi. Anası Əbdülqadir Geylani həzrətlərinin, hələ iki-üç aylıq olan zaman görülən kəramətlərini belə izah edir: Oğlum hələ bir neçə aylıq idi Mübarək Ramazan ayı gəldi. Birinci gün dan yeri söküldükdən günəş batana qədər bütün gün heç süd əmmədi. İkinci gün də eyni vəziyyət təkrar edincə anladım ki, Əbdülqədir oruc tutur. İkinci il Şaban ayının sonuna doğru hava çox buludlu olduğu üçün xalq Ayı görə bilmədi. Ramazanın başlama tarixini təsbit edə bilmədilər. Əbdülqədirin bu məziyyətinə bilənlər dərhal anasının yanına gedib onun süd əmib əmmədiyini soruşdular. Həqiqətən, o gün Əbdülqədir süd əmməmişdi. Daha sonra o günün Ramazanın birinci günü olduğu aydın oldu.