Hamilə qadının qarnından iynə çıxdı

Hamilə britaniyalı qadın bir neçə il əvvəl keçirdiyi cərrahiyyə əməliyyatı zamanı cərrahların onun qarnında unutduqları iynəni indi aşkarlayıb. Bekinhemşir qrafılığındakı Milton-Kins şəhərinin 26 yaşlı sakini Kelli Doniqan hamiləliyin ortalarında qarnının sol tərəfində yüngül ağrılar hiss etməyə başlayıb. Kelli bunu həkimə desə də, o, qadını sakitləşdirib. Lakin hamiləliyin 7-ci ayında Kelli qarnında iynə olduğunu görüb. Hamilə Kelli yenə həkimə müraciət edib və ona deyilib ki, bətnində körpə olduğu üçün qarnında əməliyyat aparıla bilməz. Hamilə olduğu üçün Kelliyə əməliyyatla bahəm, iynənin ölçüsünü müəyyənləşdirib onu lokallaşdırmağa imkan verəcək rentgenoloji müayinə də qadağan edilib. Xoşbəxtlikdən iynə bətndəki körpəyə xəsarət yetirməyib.