sonuncu rükəti tək qılmaq; iki rükətdən-bir yalnız təşəhhüd oxuyub, salamı sonuncu rükətdə vermək; bütün rükətləri təşəhhüdsüz qılıb, son cüt rükətin axırında təşəhhüd oxuyub, axırıncı rükəti təşəhhüd və salamla bitirmək; bütün rükətləri təşəhhüdsüz qılıb, yalnız axırıncı rükətdə təşəhhüd və salam demək. Sonuncu variant ən fəzilətli sayılır. 3 rükət şəklində qılınanda, hənəfi məzhəbindəki qayda ilə yerinə yetirilir. Amma həm ikinci, həm də üçüncü rükətlərdə təşəhhüd və salam verilir. Hənbəli məzhəbində də vitr namazını qünutla qılmaq savabdır, amma qünut rükudan sonra icra edilir.

Şafii məzhəbində də vitr namazı təkid olunan sünnət sayılır, 1-dən 11-ə kimi rükət halında (tək sayda) qılınır. Hənbəli məzhəbindəki kimi, müxtəlif variantlarda qılınması mümkündür. Amma rükətləri cüt-cüt ayırmaq, yəni hər ikinci rükətin axırında təşəhhüd və salam vermək sonuncu rükəti də tək qılmaq daha yaxşıdır. Ramazan ayının ikinci yarısında qılınan vitr namazlarının axırıncı rükətində qünut tutmaq da sünnətdir.

Maliki məzhəbinə görə, vitr namazı təkid olunan sünnətdir, bir rükət şəklində qünutsuz qılınır. "Fatihə"dən sonra uca səslə "İxlas", "Fələq" və "Nas" surələrinin oxunması müstəhəbdir.

Cəfəri məzhəbində gecə namazının ən üstün qılınma qaydası bu cürdür: Gecə namazı ümumilikdə 11 rükətdir. Onun 8 rükəti gecənin nafiləsi niyyəti ilə 4 ədəd iki rükətlik namaz şəklində qılınır. Bunların qılınma qaydası sübh namazına oxşayır. Birinci rükətdə "Fatihə" və "İxlas", ikinci rükətdə "Fatihə" və "Kafirun" surələrini oxumaq müstəhəbdir. Qünutda insana zülm verən zalımı cəzalandırması barədə Allaha dua etmək olar. Hər iki rükətdən-bir təşəhhüd və salam deyilir. Cüt rükətlərin arasında Həzrət Fatimənin zikrini söyləməyin savabı var.

8 rükəti bitirdikdən sonra 2 rükət "şəf" namazı qılınır. Onun birinci rükətində "Fatihə"dən sonra "Nas", ikinci rükətində isə "Fatihə"dən sonra "Fələq" surələri oxunur, amma qünut tutulmur.

Axırda bir rükət "vitr" namazı qılınır. "Fatihə"dən sonra