Birinin toyu olur, atası zorla evləndirir. Oğlan qaş-qabaqla oturduğu zaman birdən bir milçək
vız-vız edərək gəlib bunun burnuna qonur. Bu oğlan kinli-kinli milçəyə baxıb deyir:
- Aralan, mazgimi çürütmə, yoxsa papaya deyərəm, səni də evləndirər.

Nənənin harayı

Bir qoca arvad küçə ilə yol gedərkən bir məscid, məscidin yanında da bir nəzir qutusu görür.
Nəzir qutusuna əli əsə-əsə beş qəpiklik atır və deyir:
- Ay Allah, sən özün ömrümü uzat!
Arvad yolun o tərəfinə keçəndə bir maşın arvadı vurub sərir yerə.
Elə bu vaxt bir gənc oğlan da nəzir atmaq istəyəndə arvad can verə-verə başını qaldırıb deyir:
- A bala, ora pul atma, ora işləmir.

Səhrada su

Səhrada ölməkdə olan adam sürünür. Təsadüfən ordan CİP keçir.
Adamlar onu görüb köməyə çağırırlar:
- Su, tez olun.
Ona fincanda su gətirirlər.
Can verən kişi gözlərini açıb güclə soruşur:
- Qaynanmış sudu?

Ağıllı dəlilər

İki dəli imtahana girir. İmtahan qurtarandan sonra çıxır.
Biri o birindən soruşur:
- Necə yazdın?
Cavab verir:
- Boş vərəq verdim. Bəs sən?
- Mən də heç nə yazmadım, boş vərəq verdim.
O biri deyir:
- Onda elə biləcəklər köçürmüşük.

İt

Kişinin iti ölür, dostları ələ salmaq üçün onun yanına gəlir və başlayırlar:
- Axır qəmin olsun! Yaddan çıxar, təzə it alarsan, fikir eləmə.
Kişi qayıdıb deyir:
- Heç bilmirdim itimin bu qədər tanışı var.

Uşaq və sürücü

Bir gün bir sinfin uşaqları avtobusa minir. Bir az gedəndən sonra avtobus xarab olur.
Sürücü düşüb avtobusu düzəldəndə bir oğlan gəlib deyir:
- Dayı, mən billrəm avtobusa nə olub.
Sürücü deyir:
- Get başımdan.
Sonra uşaq yenə gəlir deyir:
- Mən billirəm axı.
Sürücü deyir:
- Ay bala, sənə deyirəm get başımdan.
Uşaq yenə gələndə deyir:
- Mən bilirəm nə olub avtobusa.
Sürücü deyir:
- Hə, nə olub?
- Avtobus xarab olub.

Biabırçılıq

Bir qıza elçi gəlmək istəyirlər. Anası qızına deyir:
- Özümüzü elə göstərək ki, guya varlıyıq. Mən səndən nə istəsəm de ki, hansını gətirim.
Elçilər gəlir. Anası