Qanı mavi rəngdə olan heyvan

Qılıncquyruq planetimizdə yaşayan ən qədim canlılardan biridir. O, 200 milyon il bundan qabaq meydana çıxmış və günümüzə qədər yaşayıb qala bilmişdir. Qılıncquyruğun çox möhkəm zireh örtüyü, iti uclu quyruğu və 6 cüt ayağı vardır. Bunlardan 4 cütü yeriməyə, bir cüt uzun ayaq üzməyə, bir cüt qısa ayaq isə qidalanmağa xidmət edir. Dişləri yoxdur. Kürüləməklə çoxalır. Bu unikal heyvanın maraqlı bir xüsusiyyəti isə odur ki, qanı mavi rəngdədir. Belə ki, onun qanında qana qırmızılıq verən Fe-dəmir ionu əvəzinə, Cu-mis ionu olur. Onun qanından tibbdə, tibbi preparatların təmizliyini yoxlamaq üçün istifadə olunur.