Ölü qız iki toyda gəlin oldu

Qara yumor nümunəsi olan gülməli hadisə bu yaxınlarda Çində baş verib – ölü qızı iki dəfə ərə veriblər. Gəlinin nigah mərasimində iştirak edə bilməsi üçün qadını məzarından qazıb çıxartmalı olublar. Bütün bunların günahkarı Çində getdikcə məşhurlaşan “Xəyalət toyu” adətidir. Bəzi əyalətlərdə belə qəbul edilib ki, əgər kişi subay ölürsə, onda o, o biri dünyada da yalqız qalacaq. Ölən o dünyada darıxmasın deyə, ona yeni ölmüşlər arasından gəlin axtarıb tapırlar. Çində artıq çoxdan gəlin cəsədi qara bazarı yaranıb. Biznes yetərincə gəlirlidir - qız cəsədinin orta qiyməti 5000 dollardır.