Yalan danışmaq sağlamlığa ziyandır

Alimlərin apardığı araşdırmalara görə sağlam olmaq üçün əsas şərtlərdən biri də az yalan danışmaqdır. Onların fikrincə, səmimilik tək ruhi sağlamlıq deyil, eyni zamanda insana fiziki sağlamlıq da bəxş edir. Yalan danışmağa vərdiş etmiş adamların səhhəti doğru danışan adamların səhhətindən pis olur.Orlando Universitetinin alimlərinin keçirdiyi təcrübədə 110 nəfər iştirak edib. Onların yarısına qəti olaraq tapşırılıb ki, yalan danışmasınlar. Digər yarısına isə yalanla bağlı heç nə tövsiyə olunmayıb. 10 həftədən sonra həmin şəxslər yenidən universitetə dəvət olunub və səhhətləri yoxlanılıb. Yalan danışmaqdan qaçan adamlarda baş ağrısı, gərginlik, mədə ağrısı yalan danışan adamlara nisbətdə qat-qat az olub.