Kaliforniyalı rəssam Kris Trumen 200
min ölü qarışqadan panno (kətan
üzərində çəkilmiş böyük şəkil)
hazırlayıb.
Trumen, əvvəlcə, öz gücünə lazımı
qədər qarışqa tutmaq qərarına gəlib. Lakin bunun üçün bir neçə il
keçəcəyini görən rəssam internetin
köməyindən istifadə edib.
Belə ki, qarışqalar internetlə heyvan
qidası kimi satılır. Trumen qarışqaları
40 min ədəd olmaqla, dəstə ilə alıb. Hər bir dəstənin qiyməti isə 500 dollar
olub.
Nəticədə, rəssam qarışqalara cəmi
2500 dollar pul xərcləyib. O, maqqaşla
ölü qarışqaları elə yerləşdirib ki,
nəticədə, rəssamın uşaqlıq şəkli alınıb. Rəsm əsərinə bir neç il vaxt sərf
etdiyini söyləyən Trumen bəzən
qarışqalara yazığı gəldiyini də qeyd
edib. Buna görə o, hətta işlərinə bir il
fasilə də verib. Lakin ölü qarışqaların
heç vaxt dirilməyəcəyini fikirləşən Trumen əsərini sona çatdırıb.
Rəssam deyib ki, uşaqlıq dövründə
qardaşı ilə birlikdə qarışqa yuvasını
dağıtdıqları vaxt qarışqalar onları
dişləyib. O, məhz bu yolla
qarışqalardan qisasını alıb. Trumen əsərini 35 min dollara
satmağa nail olub.