16-cı əsrdə Şekspir yazırdı: “Göz yaşı qadınların ən güclü silahıdır. Hətta daşürəkli kişi belə, qadının göz yaşları qarşısında acizdir”.

İnsanda ağlamaq qabiliyyəti dünyaya gələndən 5-12 həftə sonra yaranır, gülmək qabiliyyəti isə daha gec 5 ayında. Alimlər müəyyənləşdiriblər ki, 12 yaşına qədər bütün uşaqlar ağlayır, sonra isə ancaq qız uşaqları. Səbəb təkcə qadınların istədiklərinə nail olmaq üçün diplomatik addım atmaları deyil, həm də hormonlardır. Kişilərdən fərqli olaraq, qadınların hormonları daim dəyişir. Bu da bizim psixi və fiziki vəziyyətimizə təsir edir. Qadınların kişilərdən 6-8 il çox yasamasina da səbəb elə göz yaşlarıdır. Qadınlar kişilərə nisbətən 5 dəfə çox ağlarırlar. İlk baxışda göz yaşı duzlu dad verən maye kimi görünür. Əslində, yaşın tərkibində su, zülal, karbohidratlar var. Alimlər ağlamağın faydalı olduğunu söyləyirlər. Normal görmə qabiliyyəti üçün lazım olan göz yaşı gözün səthini nəmləndirir, qıcıqlanmaya qarşı reaksiya verir. Həmçinin, onlar qan təzyiqini normallaşdırır və stresi aradan qaldırır.

Ağlamayan insanları psixoloqlar bədbəxt adlandırırlar. Mütəxəssislər əmindirlər ki, insan nə vaxt ağlamaq istəsə ağlamalıdır. Əks halda dağıdıcı enerji orqanizimdə qalacaq ki, bu da başağrısına, hipertoniyaya, mədə xorasına səbəb ola bilər.

Göz yaşı antibakterial təsirə malikdir: dəridəki yaranı sağaldır. Göz yaşı göz altındaki dərini uzun müddət cavan saxlayır.

Alimlər hesab edirlər ki, qadınlar ağlayan kişiləri daha çox sevirlər. Erkək siçanlar üstündə təcrübə keçiriblər və belə nəticəyə gəliblər: həqiqətən qadınları güclü, əzələli kişilər yox, nisbətən romantik və gözü yaşlı kişilər cəlb edir.

Göz yaşlarının əsas səbəbi dərd-qəmdir. İkinci yerdə isə xoşbəxtlik durur.