Dənizdə 5.5 kilometri əl-qolu bağlı üzdü

Gürcü məktəblisi Dardanel boğazını əl-qolu bağlı şəkildə üzüb. 17 yaşlı Ani Lominadze 5,5 kilometr məsafəni 50 dəqiqəyə qət edib. Halbuki, onun bu məsafəni 90 dəqiqəyə qət etməsi planlaşdırılırdı. O, avqustun 30-da Ecibat şəhərindən Çanaqqalayadək üzüb. Lominadze qədim “kolxuri” hərbi gürcü üslubundan istifadə edib, bu üslub çanağın və ayaqların köməyi ilə suda hərəkət etməyə imkan verir. Amma bu zaman üzgüçünün əl-qolu bağlı olur. Bununla da idmançı öz məşqçisi Henri Kupraşvilinin on illik rekordunu təzələyib.