Rəhman və Rəhim olan Allahın adı ilə Göylərdə və yerdə olanların hamısı
Allahın şəninə təriflər deyir. O,
Qüdrətlidir, Müdrikdir. (Hədid surəsi /
1) Göylərin və yerin hökmranlığı Ona
məxsusdur. O həm dirildir, həm də
öldürür. O, hər şeyə qadirdir. (Hədid
surəsi / 2) Əvvəl də, Axır da, Zahir də, Batin də
Odur. O, hər şeyi bilir. (Hədid surəsi /
3) Göyləri və yeri altı gündə yaradan,
sonra da Ərşə ucalan Odur. O, yerə
girəni də, oradan çıxanı da, göydən
enəni də, oraya qalxanı da bilir. Siz
harada olsanız belə, O sizinlədir. Allah
sizin nə etdiklərinizi görür. (Hədid surəsi / 4) Göylərin və yerin hökmranlığı Ona
məxsusdur. Bütün işlər ancaq Allaha
qaytarılacaqdır . (Hədid surəsi / 5) O, gecəni gündüzə qatır, gündüzü də
gecəyə qatır. O, kökslərdə olanları
bilir. (Hədid surəsi / 6) Allaha və Onun Elçisinə iman gətirin!
Sizin ixtiyarınıza verdiyi maldan
xeyirxah işlərə sərf edin! Sizdən iman
gətirib mallarından xərcləyənləri
böyük bir mükafat gözləyir. (Hədid
surəsi / 7) Peyğəmbər sizi Rəbbinizə iman
gətirməyə çağırdığı halda, sizə nə olub
ki, Allaha iman gətirmirsiniz? Əgər siz
möminsinizsə, bilin ki, artıq O, sizdən
əhd almışdır. (Hədid surəsi / 8) Sizi zülmətlərdən nura çıxartmaq üçün
Öz quluna açıq-aydın ayələri nazil
edən Odur. Həqiqətən, Allah sizə
Şəfqətlidir, Rəhmlidir. (Hədid surəsi /
9) Sizə nə olub ki, malınızdan Allah
yolunda xərcləmirsiniz? Halbuki göylərin və yerin mirası Allahındır.
Sizlərdən Məkkənin fəthindən əvvəl
xərcləyib döyüşənlər başqaları ilə eyni
deyillər. Onların dərəcəsi mallarını
fəthdən sonra xərcləyib
döyüşənlərdən daha üstündür. Amma Allah onların hamısına ən gözəl olanı
vəd etmişdir. Allah sizin nə
etdiklərinizdən xəbərdardır. (Hədid surəsi / 10) Kimdir o şəxs ki, Allaha gözəl bir borc
versin (Allah yolunda malını yaxşı
işlərə sərf etsin), O da onun üçün
bunu qat-qat artırsın? Onun üçün çox
dəyərli bir mükafat da vardır. (Hədid
surəsi / 11) O gün sən mömin kişilərin və mömin
qadınların nurunun