Oranqutanlar üçün İpad

ABŞ və Kanadada yerləşən on iki zooparkın işçiləri aşkarlayıblar ki, meymunlar da insanlar kimi planşetdə müxtəlif proqramları açmağı xoşlayırlar. Meymunları planşetlər vasitəsi ilə öyrədən proqram Apps for Apes (meymunlar üçün proqramlar) adlanır. Zoopark işçiləri həftədə bir neçə dəfə oranqutanlara ipadla oynamağa icazə verirlər.Qeyri- adi layihənin banisi, Orangutan Outreach qeyri-kommersiya təşkilatının rəhbəri Devid Çimerman deyir: "Onlar insanlara çox oxşayırlar. Youtube-da videolara baxırlar, digər oranqutanların fotolarını izləyirlər". Oranqutanlar həftədə bir neçə dəfə yarım saat müxtəlif proqramlarla oynayırlar. Onların ən sevdikləri proqramlar isə rəsm çəkmə, musiqi proqramları və videolardır. Qeyd edək ki, meymunlar ipad-ı sevinclə qarşılayırlar. Onlardan biri o qədər oynayıb ki, indi ayaqları ilə də ondan istidadə edə bilir.