Bu ölkə günü 70 min dollara kirayə verilir

Lixtenşteyn hökumət nümayəndələri çox maraqlı bir addım atıblar. Onlar öz ölkələrini yüksək təminatlı turistlərə gündəlik kirayəyə verirlər. Bu əsrarəngiz krallıqda unikal, unudulmaz tətil keçirmək üçün gündəlik ödəniş 70 000 dollardır. Lixtenşteyn Avropanın ən balaca –cırtdan ölkəsidir. Onun sahəsi 160 kvadrat kilometrdir. Burada təqribən 35000 insan yaşayır. İcarəçi Alp dağlarının başgicəlləndirici mənzərələri və Lixtenşteyn qala və qəsrlərindən inanılmaz dərəcədə zövq ala bilər. Bundan əlavə 150 nəfər qonağı rahat yerləşdirmək imkanı var. Ölkəni icarəyə götürən şəxsi pul vahidini və yol hərəkət nişanlarını də tətbiq edə bilər. Yeni gerbin tətbiqi və ya "ölkənin yeni knyazının seçilməsi" ilə bağlı müxtəlif mərasimlərin keçirilməsi isə əlavə kapital qoyuluşu tələb edir. Knyazlığın icarəyə verilməsinə baxmayaraq, sakinlər yenə də əvvəlki kimi öz yerlərində yaşayırlar. Ölkəni kirayə götürmək niyyəti barədə hökumət dairələrinə planlaşdırılmış səfər tarixindən ən azı 6 ay öncədən xəbərdarlıq etmək lazımdır. Səfərdən imtina etdiyiniz təqdirdə cərimə miqdarı ilkin ödənişin 50%-i həcmində olacaq.