Məktubdakı hissləri üzə çıxaran proqram hazırlandı

Kanadanın “Lymbix” şirkəti elektron məktubların tərzini müəyyən etmək imkanına malik proqram hazırlayıb. Bu proqramın köməyi ilə istifadəçilər onların yazdıqları məktubda məhz çatdırmaq istədikləri hisslərin əks olunub-olunmadığını biləcəklər. Proqram istifadəçiyə onun yazdığı məktubun insana nə kimi təsir bağışladığını bildirir. “ToneChek”də səkkiz müxtəlif “emosional səviyyə” təqdim olunur. Həmin səviyyələrdə sevinc kimi pozitiv, eləcə də kədər və ya qəzəb kimi neqativ hissli məktublar yazmaq olar. Proqram hələ ki yalnız ingilis dilində işləyir.