Dar cins əsəbləri korlayır!

Dar cins (skinner) müasir modanın ayrılmaz atributlarından biridir. Lakin həkimlər bu geyimi orqanizm üçün zərərli sayırlar. Amerika Nevroloqlar Assosiasiyasının üzvü Karen Boyl deyir: "Dar şalvar geyinmək Bernard-Rot sindromu və ya baldırın kənar dəri əsəbinin nevritini yarada bilər. Bu xəstəlik baldırın xaric hissəsindəki əsəblərdən biri zədələnəndə inkişaf edir. Nəticədə orqanizmdə süstlük, ağrılar və fəsadlar yaranır. Qadınlar dar cinslə yanaşı, dikdaban ayaqqabı geyinəndə orqanizmin durumu lap pisləşir, çünki omba-çanaq sümükləri ilə əzələlər yuxarı dartılır, əsəblərə təzyiq artır, simptomatika güclənir. Daim dar cins şalvar geyinənlərdə əsəblərin permanent zədələnməsi müşahidə olunur.