Dünən “Bakıda deputatın da adının qarışdığı qanlı “razborka”
başlıqlı manşet yazısında bir müddət əvvəl Bakıdakı böyük razborkada məşhur bir avtoritetin məşhur bir şəxsi güllələdiyni yazmışdıq. Həmin hadisənin üzərindən 1 gün keçib və indi də Rövşən Lənkəranskinin güllələnmə xəbəri yayılıb…

Cəmiyyətdə kriminal avtoritet kimi tanınan, “oğru dünyası”nın məşhur simalarından olan Rövşən Canıyevin (Lənkəranski) güllələnməsi xəbəri yayılıb.canim.az-a daxil olan və hələlik dəqiqləşdirilməmiş məlumata görə, Rövşən Canıyevə sui-qəsd Qərbi Avropa ölkələrindən birində törədilib. 4 güllə yarası alan Canıyev hazırda koma vəziyyətindədir.
Məlumatlara görə, hadisənin törədilməsində gürcülərin adı hallandırılır. Xatırladaq ki, bir neçə ay öncə Canıyevə Dubayda sui-qəsd olmuşdu və bu zaman də məhz gürcü millətindən olan şəxslərin adı hallanırdı.
Qeyd edək ki, R.Canıyevin bu yaxınlarda Azərbaycanda baş tutan toy mərasimində iştirakı planlaşdırılsa da, kriminal avtoritet bu mərasimdə iştirak etməyib.
Rövşən Lənkəranski 1975-ci il yanvarın 27-də Lənkəran şəhərində doğulub. 1996-cı ildə Astara rayon xalq məhkəməsinin hökmü ilə 2 il müddətinə azadlıqdan məhrum etmə cəzasına məhkum olunub. Səbail rayon məhkəməsinin 1997-ci il martın 7-də verdiyi qərarı ilə cəzadan şərti azad olunub. 2000-ci ilin iyulunda yenidən məsuliyyətə cəlb olunub. Bu dəfə 2000-ci ilədək qüvvədə olan Cinayət Məcəlləsinin 15, 94-cü maddəsi (qəsdən adam öldürməyə cəhd) və 228.1-ci (Qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsi ilə ittiham olunub. Lakin məhkəmə onun barəsində psixi müalicəyə göndərilməsi barəsində qərar çıxarıb. 2001-ci ildə Sabunçu rayon məhkəməsinin qərarı ilə R.Canıyev cinayət məsuliyyətindən azad edilib.
2002-ci ildə isə R.Canıyev barəsində olan cinayət işi təzələnib. Lakin R.Canıyev