belə etməsəniz, çoxlu səhviniz olacaq. Həmkarlarınızla flirt etmək, ortaqlarınızla romantik münasibətlərə başlamaq məsləhət deyil. Hansısa ziyafətdə maraqlı tanışlıq qura bilərsiniz.

Xərçəng - Qətiyyətli və məqsədyönlüsünüz. Bu, yaxşıdır. Çünki qarşınıza qoyduğunuz məqsədlərə çatmaq elə də asan deyil. Kimsə sizin mənəvi tarazlığınızı pozmaq, adamların içində əsib-coşmağınız üçün əlindən gələni edəcək. Heç olmasa, üzdən özünüzü sakit göstərməyə çalışın, əks halda nüfuzunuz yerlə bir olacaq.
Qadınlarla dil tapmaq bu gün daha asandır, nəinki kişilərlə. Ancaq bəzən xanımlar da sizinlə xoş olmayan zarafat etməyə çalışırlar. Belə bir şəraitdə yaxın adamınızın dəstəyi lap yerinə düşər.

Şir - Bu gün ətrafınızdakılarla yaxşı münasibəti qoruyub saxlamağa çalışın. Özünüzə düşmən qazanmayın, kimsəni incitməyin və heç kimə sizdən küsmək üçün şərait yaratmayın. Günorta vaxtı köməyə ehtiyacınız olacaq: yalnız sizə rəğbət bəsləyən adama etibar edib, ağız açın. Nə özünüzün, nə də başqalarının pulları ilə risk etməyin.
Qətiyyət və uğura inam ailə problemlərinin həllində çox köməyiniz olacaq. Öz istəklərinizlə əzizlərinizin maraqları arasında ahəng yarada biləcəksiniz. Bəzi Şirlər nikaha girmək barədə qəti qərara gələcəklər.

Qız - İşgüzar ünsiyyət, uzunmüddətli əməkdaşlıq barədə məsələlərin müzakirəsi üçün əlverişli gündür. Bu gün əldə olunan razılaşmalar qətidir və çox güman ki, onlara hansısa düzəlişlər edilməyəcək. Sahibkarlarla görüşlər, iş yerinin, yaxud fəaliyyət sahəsinin dəyişdirilməsi üçün münasib gündür.
Seminar və konfranslarda iştirak etmək olar. Reklam kampaniyaları uğurlu keçir. Evdə sakitlik və rahatlıq istəyirsiniz və yaxınlarınız da sizi problemlərdən qorumağa çalışırlar. Axşamı yaradıcılığa həsr edə bilərsiniz.

Tərəzi - Layihələrinizin uğurlu olacağına şübhə etməyin - bu gün uğur sizindir. Şərait ən pis məcrada dəyişsə də, hətta tərəfdaşlarınız da sizə dəstək verməkdən imtina etsələr də, öz istədiyinizə çatacaqsınız.
Güzəştə getməyə