Bir anlıq yuxu 12 il canavarlar arasında yaşamağa səbəb oldu

1946-cı ildə İspaniyada doğulan Markos Rodrigez Pantoya 7 yaşından 19 yaşına qədər Sierra Morena dağlarında canavarlarla bir yerdə yaşayıb. 12 il bir yerdə canavarlarla yaşayan bu şəxs bütün dünyada “canavar adam” kimi məhşurlaşıb. Markos deyib ki, onun canavarlar arasına düşməyi təsadüfən olub. “Mən dağda bir neçə balaca canavar balası gördüm. Onlarla oynamağa başladım. Daha sonra onları izlədim və mağaraya qədər getdim. Bilmirəm necə olubsa, orada yatıb qalmışam. Mən ayılanda dişi bir canavar yanıma gəldi və məni yalamağa başladı. Əvvəlcə qorxdum. Lakin sonradan heç nə olmadı. Nəticədə mən onlarla bir yerdə yaşamağa başladım” – deyə, “canavar adam” bildirib. 12 il cəmiyyətdən uzaqda canavarların arasında qalan Markos yenə bir təsadüf nəticəsində tapılıb. Belə ki, 1965-ci ildə ispaniyalı fövqəladə hallar işçiləri dağda əməliyyat zaman Markosu tapıblar.