Dünya şöhrətli amerikalı ixtiraçı və sahibkar Tomas Alva Edison hələ uşaq ikən həkim onu müayinə etdikdən sonra əqlinin zəif olduğunu bildirərək Edisonu məktəbə göndərməməyi anasına məsləhət görmüşdü. Təhsil üçün məktəbə göndərilən zaman müəllimlər də Edisonun əqli zəif biri olduğunu və onun təhsilini davam etdirməsinin mənasız olduğunu söyləmişdilər. Bütün bunlara baxmayaraq o teleqrafı, telefonu, kino aparatını təkmilləşdirmiş, elektrik lampasının sənaye üsulu ilə istehsalını təşkil etmişdir. Edison həmçinin elektrovoz istehsalına başlamış, fonoqraf kəşf etmişdir. Onun təklifi ilə telefon danışığının əvvəlində "alo" deyilməyə başlanmışdır.